ரஜினியை இயக்குவீர்களா? – ஏ.ஆர்.முருகதாஸ்

சூப்பர் ஸ்டார் ரஜினியை வைத்து இப்போதைக்கு படம் இயக்கும் வாய்ப்பு இல்லை என இயக்குநர் ஏ.ஆர் முருகதாஸ் தெரிவித்துள்ளார்.இதுகுறித்து அவர் அளித்த பேட்டி:தமிழில் பெரிய ஹிட்டான படம்தான் கஜினி. இந்தியிலும் அந்த வெற்றி கிடைத்தாலே போதும் என்றுதான் நினைத்தேன்.இப்படத்துக்கு அமீர்கான் அளித்த ஒத்துழைப்பு அசாத்தியமானது. எனக்கு முழு சுதந்திரம் கொடுத்தார். எந்த சீனையும் மாற்ற சொல்லவில்லை. கிளைமாக்ஸ் காட்சியை மட்டும் மாற்றினேன். ஆசினும் சிறப்பாக நடித்தார்.சரி கஜினியை விடுங்க... ரஜினியுடன் இணைந்து படம் செய்வதாக உங்கள் பெயர் அடிக்கடி பரபரப்பாக பேசப்படுகிறதே...?ரஜினி சாரை வைத்து நான் படம் இயக்கப்போவதாக பலமுறை செய்திகள் வந்துள்ளன. நான் ரஜினி சாரை சந்தித்தது என்னமோ உண்மைதான். ஆனால் படம் செய்வது குறித்தெல்லாம் எதுவும் முடிவாகவில்லை. இப்போதைக்கு அதற்கான வாய்ப்புகள் இல்லை என்றே நினைக்கிறேன்.மற்றபடி அவரிடம் நிறைய பேசியிருக்கிறேன். அவர் அளவுக்கு சினிமா அறிவு கொண்டவர்களை நான் பார்த்ததில்லை. மனதிலிருப்பதை வெளிப்படையாகப் பேசிவிடுவார்.இப்போதைக்கு நான் சொல்ல விரும்புவது, அடுத்த படமும் இந்தியில்தான் இயக்குகிறேன். ஆமீர்கான்தான் இதிலும் ஹீரோ என்றார் முருகதாஸ்.